Kiyovu Sports yegukanye Igikombe cya FERWAFA Super Cup 2026, itsinze Police FC igitego 1-0 mu mukino wa nyuma wabereye kuri Kigali Pelé Stadium ku Cyumweru tariki ya 30 Kanama 2026.
Igitego cyahesheje Kiyovu Sports iki gikombe cyatsinzwe na Hakim Hamis ku munota wa 83, nyuma yo kwakira umupira mwiza wari uhinduwe mu rubuga rw’amahina na Ntwali Asman.
Uyu mukino wari uw’amateka kuko ari bwo bwa mbere FERWAFA Super Cup yakinwe n’amakipe ane. Kiyovu Sports yari yageze ku mukino wa nyuma nyuma yo gusezerera Mukura VS, mu gihe Police FC yari yasezereye Rayon Sports.
Nubwo Police FC yagerageje gushaka igitego mu minota yakurikiyeho, Kiyovu Sports yakomeje kwihagararaho kugeza umukino urangiye, yegukana igikombe.
Kiyovu Sports, yabaye iya gatatu muri Shampiyona ya 2025/26, yahawe miliyoni 40 Frw, mu gihe Police FC yahawe miliyoni 20 Frw.
Iki ni cyo gikombe cya mbere gikomeye Kiyovu Sports yegukanye kuva mu 2022, ubwo yatwaraga Made in Rwanda Cup itsinze Rayon Sports ibitego 2-1.
