Muhazi United yitegura Rayon Sports, yahembye amezi abiri mu birarane by’amezi atatu yari ibereyemo abakinnyi bayo, baherukaga guhembwa mu Ukuboza 2024.
Iyi kipe yo mu Burasirazuba, izakira Gikundiro ku wa Gatandatu, tariki ya 19 Mata 2025 saa Cyenda kuri Stade ya Ngoma.
Perezida wa Muhazi United, Nkaka Longin, yabwiye PEOPLE TV ko bahembye amezi abiri ariko n’ugusigaye kuzishyurwa vuba.
Yagize ati “Twabahaye amezi abiri ariko n’ukundi gusigaye tuzakubaha mu cyumweru gitaha.”
Uyu muyobozi yakomeje avuga ko yifuza kuzatsinda Rayon Sports cyane ko iyi kipe ikeneye amanota abongerera amahirwe yo kuzaguma mu Cyiciro cya Mbere.
Nyuma y’Umunsi wa 23 wa Shampiyona, Muhazi United iri ku mwanya wa 12 n’amanota 26, mu gihe Rayon Sports iri ku wa kabiri na 47.
