General Mubarakh Muganga, Umugaba Mukuru w’Ingabo z’u Rwanda yatanze amasomo ku barimu n’abanyeshuri bo mu Ishuri Rikuru rya Gisirikare ry’Ingabo z’Igihugu cya Uganda cyagarutse ku ruhare rw’ibihugu byo muri Afurika mu kwishakamo ibisubizo.
Mi itangazo ryasohowe n’ Ingabo z’ U Rwanda, RDF yatangaje ko ibiganiro bya Gen. Mubarakh Muganga yatanze ikiganiro, yifashishije urugero rw’u Rwanda n’uburyo rugira uruhare mu gushakira umuti ibibazo by’umutekano ku mugabane wa Afurika binyuze mu masezerano y’ubufatanye.
Iki kiganiro cyabaye kuri uyu wa Gatandatu tariki ya 10 Gicurasi 2025, kuri iryo shuri riherereye i Kimaka muri Uganda cyari gifite insanganyamatsiko igira iti “Guharanira ibisubizo by’Abanyafurika ku bibazo byugarije Afurika: Ingero z’uruhare rw’u Rwanda mu bufatanye ku mugabane wa Afurika.”
Ni ikiganiro cyibanze ku kugaragaza uruhare rw’u Rwanda mu gushakira ibisubizo ibibazo by’umutekano bihangayikishije ibihugu by’inshuti n’abafatanyabikorwa kuri uwo mugabane.
Gen. Mubarakh yashimangiye ko ibihugu bya Afurika bifite ubushobozi bwo kwikemurira ibibazo by’umutekano bikibangamiye, binyuze mu gukoresha neza amahirwe y’ubufatanye hagati y’ibihugu (bilateral) ndetse n’ubufatanye busesuye bw’ibihugu byinshi (multilateral).
Ingabo z’ U Rwanda RDF n’ iza Uganda zisanganywe imikoranire mu bikorwa bitandukanye ndetse usibye uru rugendo Umugaba mukuru w’ Ingabo z’ U Rwanda yagiriye muri Uganda, na General Muhoozi Kainerugaba, Umugaba mukuru wa UPDF na we yari aherutse mu Rwanda mu ruzinduko rw’ akazi.
