Uyu mukino watangiye ku isaha ya Saa Kumi n’Ebyiri z’umugoroba, habanje gufatwa umunota wo kwibuka Jenocide yakorewe Abatutsi mu 1994,
Ikipe ya Rayon Sports yari yaguruye abakinnyi barimo umunyezamu Kwizera Olivier, myugariro Yousou Diagne ndetse na Ndikumana Asman, Ikipe Gorilla FC isanzwe ikina umukino mwiza cyane n’ubundi yatangiye ikina neza maze ku munota wa cyenda ibona umupira w’umuterekano ku ruhande rw’iburyo imbere.
Umupira watewe na Mosengo Tansele maze ugeze mu rubuga rw’amahina ugarurwa n’umutwe neza na Kanamugire Roger awutereka mu izamu neza atsinda igitego cya mere, Rayon Sports yarwanye no kwishyura igerageza uburyo butandukanye ariko umunyezamu wa Gorilla FC Muhawenayo Gad ayibera ibamba.
Ikipe ya Rayon Sports yabonye igitego mu minota 3 y’inyongera kuko 45 y’igice cya mbere yo yari yarangiye gitsinzwe na Ndayishimiye Richard ku mupira w’umuterekano.
Mu gice cya kabiri, amakipe yombi yakomeje gushakisha uko yabona igitego cya kabiri akina umukino urimo ihangana ariko uburyo bubonetse ntibubyazwe umusaruro. Iki gice cya kabiri cyari kirimo amahane menshi hagati y’abakinnyi ari nako umusifuzi Nizeyimana Isiaka atanga amakarita y’imihondo.
Imikino yo kwishyura izakinwa mu cyumweru gitaha aho APR FC izakira Etincelles FC mu gihe Rayon Sports izakira Gorilla FC
