Arsenal na Bayern Munich zageze muri ½ cya UEFA Champions League nyuma yo kwitwara neza mu mikino ya 1/4 yabaye ku wa Gatatu, tariki ya 15 Mata 2026.
Bayern Munich yasezereye Real Madrid ku giteranyo cy’ibitego 6-4, nyuma yo kuyitsinda 4-3 mu mukino wo kwishyura wabaye umukino ukomeye kandi wuzuyemo ibitego byinshi.
Ni umukino watangiye utunguranye, aho Arda Güler yafunguye amazamu hakiri kare, ariko Bayern Munich ikomeza kwihagararaho kugeza ibonye intsinzi mu minota ya nyuma ibifashijwemo na Michael Olise.
Ku rundi ruhande, Arsenal yasezereye Sporting CP ku giteranyo cy’igitego 1-0, nyuma yo kunganya 0-0 mu mukino wo kwishyura.
Muri ½, Bayern Munich izahura na Paris Saint-Germain, mu gihe Arsenal izacakirana na Atlético Madrid, mu mikino iteganyijwe mu mpera za Mata 2026.
