U Rwanda rwahawe kuzakira Igikombe cya Afurika cya Basketball gihuza abakinnyi bakina imbere mu bihugu byabo, AfroCan 2027, giteganyijwe kubera muri BK Arena kuva tariki ya 2 kugeza ku wa 11 Nyakanga 2027.
Iri rushanwa rizitabirwa n’amakipe 12 yo ku Mugabane wa Afurika, rikazaba ribaye ku nshuro ya gatatu kuva ryatangira.
AfroCan iheruka yabereye muri Angola mu 2023, aho Ikipe y’Igihugu y’u Rwanda yitwaye neza ikegukana umwanya wa gatatu.
Ku nshuro ebyiri iri rushanwa rimaze kuba, Repubulika Iharanira Demokarasi ya Congo ni yo yaritwaye mu 2019, mu gihe Maroc ari yo ifite igikombe giheruka, yegukanye mu 2023.
Kwakira AfroCan 2027 bikomeje gushimangira umwanya w’u Rwanda mu kwakira amarushanwa akomeye ya Basketball n’andi mpuzamahanga, ndetse bikaba biteganyijwe ko bizongera guha Ikipe y’Igihugu amahirwe yo guhatanira igikombe imbere y’abafana bayo.
