By: Kalisa claude Nuwihanganye
Ni impera z’icyumweru gikomeye ku bakunda imyidagaduro no gusohoka kuku bashyizwe igorora.
Ni weekend irimo ibirori bikomeye uhereye ku irushanwa mpuzamahanga ry’ Africa mu mukino njya rugamba w ‘iteramakofe. Harimo kandi igitaramo gikomeye cya friends of Amstel ndetse bigasozwa n’ igitaramo kindi cya Let’s celebrate ari cyo tugiye kugarukaho muri iyi nkuru.
Let’s celebrate ni igitaramo giteganyijwe ku cyumweru tariki ya 19 ukwakira 2025 kuri Mundi Center.
Ni igitaramo kizitabirwa n’ abahanzi bafite amazina akomeye hano mu Rwanda ndetse no mu gihugu cy’u Burundi.
Iki ni igitaramo kizajya kiba buri kwezi mu rwego rwo kwishimira ibyagezweho mu guteza imbere imyidagaduro, nk’ uko byatangajwe n’ abari kugitegura
Ni igitaramo kizitabirwa n’abahanzi barimo Kirikou, Davis d, Bushali, yampano, Ross Kana, Diez Dola, Alto, DJ Brianne, Dj Drizzy n’ abandi .
Rugwiro Gaelle uhagarariye uruganda Be one Gin, rwateye inkunga kino gitaramo yashimiye abahanzi ndetse ahishura ko bafite intego yo gukomeza guteza imbere imikino n’ imyidagaduro mu gufashanya abanyarwanda kurushaho kwishima.
