Umutoza w’Amavubi, Adel Amrouche, yahamagaye abakinnyi 38 bazavamo abo azifashisha mu gushaka itike y’Igikombe cy’Isi cya 2026 mu mikino ikipe y’ igihugu ifite muri uku kwezi.
Mu ijoro ryo kuri uyu wa Gatandatu, tariki ya 15 Werurwe 2025, ni bwo Umutoza mushya w’Ikipe y’Igihugu, Adel Amrouche, yashyize ahagaragara urutonde rw’abo yifuza kuzakinisha mu mikino itaha.
Aba ni abazakina imikino ibiri izabera kuri Stade Amahoro, ubanza ukaba ari wa Nigeria utganyijwe tariki ya 21 Werurwe, ukazakurikirwa n’uwa Lesotho uteganyijwe ku wa 25 Werurwe.
Mu bakinnyi yahamagaye harimo 13 bakina imbere muri Shampiyona y’u Rwanda, abandi bakaba ari abakina hanze mu mahanga.
Mu izamu yahamagaye Wenseens Maxime Kali Nathan, Ntwari Fiacre, Ishimwe Pierre na Buhake Clement Twizere.
Ba myugariro ni Omborenga Fitina, Byiringiro Jean Gilbert, Niyomugabo Claude, Bugingo Hakim, Mutsinzi Ange, Manzi Thierry, Niyigena Clément na Nshimiyimana Yunusu.
Mu kibuga hagati harimo Bizimana Djihad, Ruboneka Jean Bosco, Mugisha Bonheur, Rubanguka Steve, Kwizera Jojea, Mugisha Gilbert, Iraguha Hadji, Muhire Kevin na Samuel Gueulette.
Ba rutahizamu ni Nshuti Innocent, Mugisha Didier, Habimana Yves, Rafael York, Manishimwe Djabel, Hakim Sahabo na Ishimwe Anicet.
Biteganyijwe ko nta gihindutse abakinnyi bose bahamagawe batangira umwiherero kuri uyu wa Mbere, tariki ya 17 Werurwe 2025.
U Rwanda ruyoboye Itsinda C mu gushaka itike y’Igikombe cy’Isi n’amanota arindwi, rugakurikirwa na Afurika y’Epfo ndetse na Benin binganya amanota, Lesotho ya kane ifite atanu, Nigeria ya gatanu ikagira atatu mu gihe Zimbabwe ya nyuma ifite abiri.
