Ikipe y’Igihugu y’u Rwanda y’Ingimbi zitarengeje imyaka 18 n’iy’izitarengeje imyaka 20, zombi zatangiye neza mu irushanwa rya “IHF Trophy/Zone V”, zitsinda Tanzania mu byiciro byombi.
Kuri uyu wa Mbere, tariki ya 4 Gicurasi 2026, ni bwo i Addis Ababa muri Ethiopia hatangiye imikino Nyafurika ihuza ibihugu byo mu karere ka gatanu.
Mu batarengeje imyaka 18, u Rwanda rwatsinze Tanzania ibitego 52 kuri 24, mu gihe igice cya mbere cyari cyarangiye ari ibitego 22 kuri 11.
Mu batarengeje imyaka 20, u Rwanda rwatsinze Tanzania ibitego 46 kuri 19, mu gihe igice cya mbere cyari cyarangiye ari ibitego 20-10.
Ku Kabiri, tariki ya 5 Gicurasi, imikino y’amatsinda izakomeza aho u Rwanda mu batarengeje imyaka 18 ndetse na 20 hose ruzakina na Djibouti Saa Munani zo mu Rwanda, zikaba Saa Cyenda z’i Addis Ababa.
Umunsi wa nyuma w’amatsinda uzakinwa ku wa Gatatu, mu batarengeje imyaka 18 u Rwanda rukina na Kenya, naho mu batarengeje imyaka 20 rukina na Ethiopia.
