Ikipe ya Rayon Sports yatangaje ko yahagaritse umutoza mukuru Afahmia Lotfi n’umwungiriza we wa kabiri Azouz Lotfi, bombi bakomoka muri Tunisia, kubera umusaruro muke w’ikipe muri iyi minsi.
Aba batoza bari bitabiriye imyitozo yabereye mu Nzove kuri uyu wa Mbere, ariko bahavuye nyuma y’amasaha abiri badatoje.
Afahmia Lotfi ahagaritswe hashize iminsi umunani Rayon Sports inganyije na Gasogi United ubusa ku busa, byatumye iyi kipe igira imikino ine idatsinda kuva uyu mwaka wa shampiyona watangira.
Umutoza wungirije w’Umurundi Haruna Ferouz ni we ugiye gusigarana ikipe, akaba azatoza umukino wa Rutsiro FC uzaba ku wa Gatandatu, ku munsi wa kane wa shampiyona.
Nyuma y’imikino itatu imaze gukinwa, Rayon Sportsiri ku mwanya wa karindwi n’amanota ane, irushwa amanota atanu na Police FC iri ku mwanya wa mbere.
Gutsindwa na Police FC no kunganya na Gasogi United muri shampiyona byakurikiye andi makosa yo gutsindwa imikino ibiri na Singida Black Star yo muri Tanzania muri CAF Confederation Cup, bituma ikipe isezererwa.
Lotfi wari umaze iminsi 137atoza Rayon Sports, yayigezemo avuye muri **Mukura Victory Sports, aho yamaze imyaka itatu.
