Ishyirahamwe Nyarwanda ry’Umukino wa Basketball (FERWABA) ryatangaje uko amakipe azahura mu mwaka w’imikino wa 2026 muri Shampiyona izatangira ku wa 8 Gashyantare 2026 mu bagabo n’abagore.
APR BBC ifite igikombe cya Shampiyona giheruka, izafungura ikina na Inspired Generation naho Patriots BBC iri mu zifite abafana benshi, izatangira yakira Azomco BBC.Imikino yombi izakinwa ku wa 11 Gashyantare 2026
REG BBC yatsindiwe ku mukino wa nyuma na yo izakira Inspired Generation ku wa 8 Gashyantare 2026.
Tigers BBC ifitiwe amatsiko menshi nyuma kugara abakinnyi bakomeye barimo Hagumintwari Steven na Antino Jackson izatangira uyu mwaka yakira Kepler BBC.
Umukino wa APR BBC na Patriots BBC uba utegerejwe na benshi, uteganyijwe tariki 8 Werurwe 2026 mu gihe uwa Patriots na REG BBC uzaba ku wa 13 Werurwe 2026.
Ni mu gihe umukino wa APR BBC na REG BBC zahuriye ku mukino wanyuma umwaka ushize, uteganyijwe ku wa 15 Werurwe 2026.
Muri rusange shampiyona y’uyu mwaka mu bagabo izakinwa n’amakipe Icyenda ariyo REG BBC,Patriots, APR BBC,Tigers BBC, United Generation Basketball (UGB), Azomco, EAUR, na Inspired Generation.
Mu bagore shampiyona izatangira, REG WBBC ifite igikombe cya Shampiyona giheruka yakira GS Gahini BBC, APR WBBC izakine na Azomco, mu gihe Kepler WBBC izakina na GS Marie Reine BBC.
Umukino utegerejwe na benshi wa APR WBBC na REG WBBC uzaba tariki ya 25 Gashyantare 2026.
Shampiyona y’uyu mwaka mu bagabo izitabirwa n’amakipe 11 REG WBBC, APR WBBC, Kepler WBBC, The Hoops, GS Gahini, GS Marie-Rene, AZOMCO, UR Huye, UR Kigali, EAUR na IPRC-Huye.
