Hahembwe ibigo byahize ibindi mu gutanga service inoze.

11/24/2024 9:07 PM

Kuri uyu wagatandatu tariki 23 Ugushyingo 2024 I Kigali kuri hotel Four points by Sheraton hatangiwe ibihembo ku bigo byahize ibindi mu gutanga service nziza ku babigana.

Ni ibihembo byiswe Service Excelence Awards, bikaba bitangwa n’ ikigo Karisimbi Events, akaba byari ku nshuro ya munani iki gikorwa giteguwe.

Kuri iyi nshuro hakaba harahatanye ibigo bigera kuri magana atatu (300), byahatanaga mu byiciro mirongo itanu (50) bitandukanywe bitewe na buri kigo n’ urwego rwa service kibarizwamo.

Muri byose, ibigo makumyabiri na bibiri (22) muri byo akaba ari byo byahize ibindi, maze byegukana ibihembo

Hatanzwe ibihembo ku kigo gitanga service cyahise ibindi mu bitanga service z’ agence zitwara abantu, igitanga serivice iz’ ubwubatsi , ikigo cya Betting ndetse n’ amabanki.

Muri Service Excelence Awards kandi ibigo byiza bitanga service za internet, ibitanga service za protocol, printing n’ ibindi byahembwe.

Mu ijambo yagejeje ku bari bitabiriye iki gikorwa, Bwana Mugisha Emmanuel umuyobozi wa Karisimbi Events akaba ari na we watangije itangwa ry’ ibi bihembo yavuze ko intego yabo ari ugushimira ku mugaragaro no gushyikiriza ibihembo ibigo bikora ibishoboka byose ngo bitange service inoze ku babigana ndetse kandi ngo akaba ari no mu rwego rwo gutanga ubutumwa ku bindi bigo bikiri inyuma mu mitangire myiza ya service ngo bibe byakwisubiraho