Ikigo Carnelian Employment Services, ku bufatanye na Carramore Group icyicaro Abu Dhabi muri Leta Zunze Ubumwe z’Abarabu (UAE), cyatangaje amahirwe y’akazi ku Banyarwanda bafite ubumenyi mu bijyanye n’amahoteli no kwakira abantu (Hospitality).
Iyi gahunda ije nk’amahirwe akomeye ku rubyiruko n’abandi banyamwuga bifuza kwagura ubumenyi n’ubunararibonye, bakorera mu rwego mpuzamahanga mu bihugu byo mu Burasirazuba bwo Hagati.
Imyanya y’akazi ikenewe
Iki kigo kiri gushaka abakozi bazakorera muri UAE Abu kikaba kinateganya kwagura ibikorwa mu bindi bihugu birimo Saudi Arabia, Qatar, Kuwait, Bahrain, Oman na Jordan.
Imyanya y’akazi ikeneweho abakozi ni iyi ikurikira:
- Operation Branch Manager (Umuyobozi ushinzwe ibikorwa)
- Chief Barisas (Abayobora abatunganya ikawa)
- Baristas (Abatunganya ikawa)
- Pastry Chefs (Abakuriye abatunganya ibikomoka ku ifarini)
- Receptionists (Abakira abantu)
- Breakfast Chef
- HR Manager (Ushinzwe abakozi)
- Accountant (Umucungamutungo)
Bazabishyurira Visa babahe n’ amacumbi
Uretse gutanga akazi, abazatoranywa bazafashwa no mu bindi birimo:
- Visa y’akazi: Ikigo kizishyurira umukozi ibikenewe byose mu kubona ibyangombwa byo gukora (Employment Visa).
- Icumbi: Abakozi bazahabwa aho kuba (Accommodation) bateguriwe n’ikigo.
Uko wasaba akazi n’aho ibizamini bizabera
Abifuza guhatanira iyi myanya basabwa kohereza imyirondoro yabo (CV) kuri email: carneliangroupservices@gmail.com.
Ibizamini ku bohereje CV zabo biteganyijwe kuba ku Cyumweru, tariki ya 12 Mata 2026, guhera saa tatu za mu gitondo (09:00 AM), bikazabera ku ishuri rya IPRC Kigali (Kicukiro).
Gahunda irakomeje no mu zindi nzego
Ubuyobozi bwa Carnelian Employment Services bwatangaje ko bufite ubufatanye n’ibigo bitandukanye byo mu Burasirazuba bwo Hagati, kandi ko iyi gahunda ari intangiriro.
Bagize bati:
“Kuri iyi nshuro twahereye ku rwego rw’amahoteli no kwakira abantu dukorana na Carramore Group, ariko mu minsi iri imbere hazakomeza gushakwa abakozi no mu zindi nzego, kandi Abanyarwanda bazakomeza kubimenyeshwa.”
Iyi gahunda ni amahirwe akomeye ku bashaka kwiteza imbere binyuze mu kazi k’umwuga mu mahanga, mu gihe u Rwanda rukomeje kwagura ubufatanye n’ibindi bihugu, cyane cyane ibyo mu Burasirazuba bwo Hagati.
