Kuri uyu wagatandatu tariki 16 Kanama 2025 mu karere ka Kirehe, mu nkambi y’ impunzi ya Mahama hasojwe amarushnwa mu mikino itandukanye yahuzaga inkambi.
Ni amarushanwa yari amaze icyumweru aba mu mikino itadukanye nka Basketball, Volleball, Football, Sitball, Karate ndetse na Taekwondo.
Ni amarushanwa yari abaye ku ku ncuroo ya gatatu aho uyu mwaka yitabiriwe n’ inkambi ya Kizibayo mu karere ka Karongi, iya Mugombwa yo mu karere ka Gisagara, ya Nyabiheke yo mu karere ka Gatsibo, iya Kigeme yo mu karere ka Nyamagabe ndetse n’iya Mahama yo muri Kirehe ari ari nayo yayakiriye.
Muri aya marushanwa inkambi ya Mahama n’iya Kiziba ni zo zatsindiye byinshi mu bikombe bahatanirwaga.
Muri ruhago, ku mukino wa nyuma Mahama yatsinze Nyabiheke 1-0, cyo kimwe no muri Sitball aho Mahama yatsinze Mugombwa 34-33.
Muri Karate ndetse na Taekwondo, ibikombe byegukanywe na Kiziba mu gihe Mugombwa yegukanye igikombe muri Volleyball itsinze Mahama amaseti 3-1.
Na ho mu mukino wa Basketball, inkambi ya Nyabiheke yegukana igikombe itsinze Kigeme amanota 72-62.
Iri rushanwa rihuza ikambi uyu mwaka ryaritabiriwe n’amakipe 49 agizwe n’abakinyi 750, akaba ari irushanwa ritegurwa na Minisiteri y’Ibikorwa by’Ubutabazi (MINEMA), ishami ry’ Umuryango w’ Abibumbye ryita ku mpunzi UNHCR n’abandi .
