Kuri uyu wagatanu tariki 8 Kanama 2025 Impuzamashyirahamwe ya Ruhago muri Afurika (CAF), yashyize hanze urutonde rw’amakipe 75 ayoboye andi muri Afurika, mbere y’uko haba tombola y’amarushanwa Nyafurika.
Urugero rutonde rugaragaraho amakipe atandukanye yitwaye neza kuri uyu mugabane mu mwaka w’ imikino wa 2024-2025 nta kipe n’ imwe yo mu Rwanda irih
Ni urutonde ruyobowe na Al Ahy SC yo mu Misiri ifite amanota 75, Mamelodi Sundowns yo muri Afurika y’Epfo ikaba iya kabiri n’amanota 62, mu gihe Espérance Sportive de Tunis iri muri atatu ya mbere 57.
Andi makipe aza muri atanu ya mbere ni RS Berkane yo muri Maroc n’amanota 52, igakurikirwa na Simba SC yo muri Tanzania ifite amanota 48.
Afurika y’Epfo ni cyo gihugu gifitemo amakipe menshi, dore ko ifitemo umunani. Ikurikirwa na Algeria ifitemo arindwi, mu gihe Misiri, Angola na Repubulika Iharanira Demokarasi ya Congo (RDC) bifitemo amakipe atanu.
U Rwanda nta kipe n’imwe rufite mu makipe meza yashyizwe hanze na CAF, yaba APR FC izakina CAF Champions League na Rayon Sports izakina CAF Confederation Cup.
Tombola y’imikino Nyafurika iteganyijwe kuba ku wa Gatandatu, tariki ya 9 Kanama 2025, ikaba izabera muri Dar es Salaam muri Tanzania.
