Ikipe y’Igihugu ya Aruba national football team yanditse amateka yo kwegukana igikombe cya FIFA Series ku nshuro ya mbere, itsinze Liechtenstein national football team ibitego 4-1 ku mukino wa nyuma w’Itsinda B.
Uyu mukino wabaye ku Cyumweru, tariki ya 29 Werurwe 2026, kuri Kigali Pelé Stadium, aho iri rushanwa rya FIFA Series 2026 ryabereye mu Rwanda ku nshuro ya mbere.
Aruba yatangiye umukino ifite imbaraga nyinshi, ifungura amazamu ku munota wa 18 gitsinzwe na Jaybrien Romano, mbere y’uko Gello Robertha atsinda icya kabiri ku munota wa 25.
Mu gice cya kabiri, Liechtenstein yagerageje kwishyura, ibona igitego ku munota wa 53 cyatsinzwe na Emanuel Zünd. Icyakora, Aruba yakomeje kwitwara neza nubwo yasigaranye abakinnyi 10 nyuma y’uko Ostiana Rovien ahabwa ikarita itukura.
Ku munota wa 69, Rainey Breinburg yatsinze igitego cya gatatu ku ishoti rikomeye, mbere y’uko myugariro Hofer Jens wa Liechtenstein yitsinze igitego cya kane, cyahesheje Aruba intsinzi n’igikombe.
Iyi ntsinzi yahesheje Aruba kwandika amateka yo kwegukana iri rushanwa rikiniwe bwa mbere mu Rwanda.
